簡單兩味

丞依日嘅餸係青瓜甘筍牛肉飯

左右手齊開餐

食完左手食右手

食食下突然放低匙梗，媽媽因為托住個腮睇仔仔食飯，仔仔又學下媽媽，托住個腮，望返媽媽~~~

好好味咧，越食越開心~~

留返粒，今晚宵夜好嗎~~

屋企有乜就煮乜俾小朋友，有肉有菜就足夠，大人食嘅亦唔困難煮，一樣有肉有菜就足夠，味道稍濃郁些好開胃~

煮碟涼瓜排骨。

先用油爆香三粒蒜二片薑，然後倒入排骨炒至斷生，加入一大匙豆瓣醬，少少生抽同黑糖，炒到醬香味走出嚟，就可以加水燜熟，我燜大約十分鐘。

用佐依款阿X屋買嘅辣豆醬，煮餸都幾香~~

排骨煮熟就可以落涼瓜~~

再燜多十分鐘即可~~~

燜火後唔揭蓋焗多十分鐘，啲餸全部淋哂入哂味~~~

剛剛好收哂汁，好味~~

我會提早煮，轉到細煲仔，夜晚食時再加返熱，好似隔夜餸咁，好正~~

炒多碟豆角~~

依個季節，係食依類瓜瓜豆豆最正喇~~

簡單兩味

姨媽最近放大假，又係屋企附近學野，落佐堂多數就會過嚟屋企痴餐，順便幫手同佢心愛的丞BB衝涼。

媽咪樂得悠閒，煮返兩味俾衝完涼就大叫腰骨酸嘅姨媽。

前兩日空氣濕度去到100%，咁就煲款去濕湯水大家飲下。

丞食凈的彩椒炒埋一碟仔媽媽食

蒜蓉炒碟菜

整碟檸檬鴨腿食下~

丞B就食甘筍豆腐肉碎飯~

食粥

上星期都總係凍凍哋，丞總要著件背心。

強哥講起奶奶以前煲咸骨粥好掛念~

咁我就煲粥，咸骨蠔豉花生粥，聚火~~

若是牙齦痛連續煲兩三日依款粥水，包保消除牙肉腫痛~~~

整個涼拌牛肉

丞平時食嘅餸我都另外搵個煲仔煮，少油少鹽多菜少肉細細一碟好易

一細碗仔飯，一細碟餸，彩椒肉碎飯

簡單兩味

早上係廚房整緊丞中午的粥仔，突然覺得一室的安靜。

走出嚟搵下個馬騾仔做緊咩，原來爬佐上床，用張被蓋住自己，等媽媽搵佢唔到。

媽媽配合地假扮搵仔心切，不停急呼丞丞的名字，引得小人兒在被內咯吱咯吱地笑不停~~~

越大就越需要大人陪同玩樂，但媽媽一本正經太多年，已經唔係好記得小小朋友需要點樣的樂趣，睇嚟要認真籌劃一下玩的項目先得~~

尋晚炒佐一個芥蘭~

煮一個蒜泥白肉

煮肉的湯汁無嘥到，落啲白菜同粉絲，滾佐一個湯，簡單開餐~

簡單兩味

買佐一個豬肚，洗凈後簡單地用生抽老抽糖鹵好，簡單的味道，豐富的感受。

一個豬肚食佐兩餐。

蒜臺炒蛋

小朋友發燒不宜出街吹風，又落雨，就無落街買餸，原本想煮公仔麵算數，但諗到辛苦工作了一天的男人總要佢食公仔麵似乎太可憐，用僅有的物資再轉變成為簡單的住家小菜以慰藉下男人的味覺。

小朋友煲粥仔有凈的幾條菠菜，煮一碟餸絕對不夠，咁就加埋蛋，煎到香噴噴勉強湊成一碟

菠菜烘蛋

整薯蓉俾小朋友而有凈的一個大薯仔，加埋罐頭餐肉，煮成一碟奶奶味道的薯仔餐肉，已叫強哥一臉歡容~~

大多數時候食物本身並不重要，食時感覺溫暖，便覺美味。

屋企有一個極之有主見的小朋友未必係壞事，當佢明白到可以自已完成一件事之後，就絕不容許旁人代勞，因此媽媽少做好多功夫。

一早已經不允許媽媽餵食，成餐飯一定係要自己完成的。

佢做得到又肯做，當然放手。

當佢食食下突然企起身，示意媽媽取紙巾俾佢嘅時候，媽媽未明白佢想點~~

（依家先睇到，媽媽幫個仔著反轉件衫，慚愧~）

睇定佐，先知道，原來係整到幾粒飯仔出嚟，要清潔乾淨~

一定係媽媽平時太執著，一見有污糟就即刻清潔，小朋友當然有樣學樣

有時雖然食到一地的食物，又用稍長的時間才能完成一餐飯，但只要佢肯做，點都配合佢~~~