猩猩仔偷蕉記

媽媽行開唔夠二分鐘，聽到人仔突然靜落嚟，行返出嚟望下，原來有個猩猩仔，竟然三幾下下爬上窗台拎佐條蕉，總要自己識得剝開皮，總要大大啖食緊！~~

睇下個猩猩仔，食蕉食得幾開心~~

一見到媽媽走出嚟，即刻擺定無辜表情打定底先，但個嘴係未停過，繼續架~

見到媽媽影抵罪證，猩猩兒好醒目地做出阻止的手勢「依位太太，你咁樣亂影人，係唔啱架，係侵犯緊我嘅私穩架，請你立即停止！」

見阻嚇無效，咁唯有你有你影，我有我食，大家各有所需喇~~

我大大啖，繼續，繼續~~~~

拉近鏡睇下個為食樣~~

咬到皮了為~~~

咪當人啲細唔識食，食食下，覺得唔對路，識得拎上手仔細研究下~~~

原來，係食到蕉皮~~~

雖然我哋手指幼幼，一樣靈活無比，蕉皮，係無味嘅，等我撕開佢~~~

咁先好味架嘛~~~

食食下，又食到蕉皮？

索性咪鬼要個皮喇，阻住哂~~~

咁樣大大啖，大大啖，先係嘛~~~

如是者，成條蕉，猩猩仔一人獨吞哂~~~

其實小朋友絕對有能力做到好多事情，譬如咀嚼一事，香港家長去到邊都有一把交剪仔，食物一律剪到碎一碎先俾小朋友，咁小朋友總邊有機會去適應如何控制自己進食食物的份量同咀嚼的能力？進食係人類本能，當小朋友出佐牙，我都會在安全範圍之內，儘量俾佢嘗試不同形態的食物，希望形成一個進食的良好本能。

暫時依個階段，我係唔需要佢識得分辨事物的真相，更加唔會逼佢去理解世界的是與非，我需要做嘅，係儘量配合佢嘅發育程度去激發佢身為人類的存在本能，簡單嚟講，我只需要佢開開心心地「食，訓，玩」三件事~~~

醬燒茄子

買佐條茄子，本想整魚香茄子，但又唔記得買少少配料，咁就整過第二樣茄味。

條茄超大，將佢一分為二，分為兩截。

然後取筷子兩條，擺係茄子底下固定好，我就直刀切落，底下有一對筷子頂住，一切到筷子處就停，咁就可以好齊整地將茄子切開一片片，但又不會切斷，保持到茄子的連貫性。

茄子片與片之間，擦少少生粉水。

免治豬肉用「鹽，糖，生粉，胡椒粉」醃好味。

將醃好味的肉讓入茄子中間。

好易咋，一細細匙肉隨意地擺入茄片中間，輕輕一夾，肉就分佈得好均勻喇。

馬拉盞芥蘭煲

煮個濃味啲嘅餸。

芥蘭，蒜，蔥頭，馬拉盞，免治豬肉。

用油爆香蔥頭同蒜，加入免治豬肉落鑊炒散，落少少豉油調味。

將炒好的肉碎盛起。

西洋菜湯

煮個臘味粉絲豆卜紹菜，蒸多條臘腸。

煲啖湯飲，西洋菜南北杏羅漢果湯。

煲完湯的西洋菜我鐘意食。

蒸多碟肉餅仔俾信丞仔，開飯

蒜蓉粉絲娃娃菜，炒雜菜，青紅蘿蔔陳皮湯

煲個例湯，青紅蘿蔔豬骨湯。

加塊靚陳皮，味道已好好。

蒜蓉粉絲蒸娃娃菜，好耐無整，一樣清甜好味。