芝士南瓜餅

基本上日日都會帶小朋友出去放電。

放完電返嚟，食得又瞓得。

唔知係咪活動量較大，小朋友食得唔算太少，但始終都係唔叫肉肉哋，都係好瘦，不過佢精神好好，就無特別去谷佢肥。

每日出去活動都會有二三個小時，返嚟嘅時候會順便買當日嘅餸菜，陪媽媽買餸嘅時候開始有啲悶~~~

扮馬扮鬼扮眼瞓添~~~

好喇好喇，返屋企煮飯仔喇~~~

通常早上出門之前會準備定中午嘅食物，返到嚟可以用最短時間食得飯，食完飯無耐小朋友就會午覺，每日如是。

依日早上出門前，蒸好一碟仔南瓜，整成蓉。

然後用「麵粉，南瓜蓉，乾依士」三種材料，搓成麵底，再分成兩舊備用。

將麵底搓成薄片，然後擺一塊芝士上去。

另一塊麵底又一樣搓薄，然後將舖上芝士面，捏實邊。

將搓好的麵坯擺入平底鑊，就咁由得佢自己發酵，帶小朋友出街玩~~

中午返到嚟，麵底已發酵完成，落油開火煎佐三分鐘即成~~~~

幾簡單~~~

又鬆軟又好味~~~

返到嚟切佐塊西瓜俾小朋友係廚房食，等佢回下氣~~~

食西瓜食到西瓜汁周身都係，不過都習慣喇，洗就係~~

然後煎好餅仔，成個大餅食完無難度~~~

好好味~~

大雨一日

因為想小朋友接觸群體生活，培養佢嘅社交能力，所以由小朋友一歲之後，周不時都會請邀請其它小朋友嚟屋企一齊玩。

尋日落大雨無地方去，咁就約佐另外兩小朋友一齊嚟屋企玩。

約住同一個屋苑小朋友，近近哋好方便。

整佐啲小食玩食飯仔

臨時約嚟無乜準備，求其屋企有限材料整佐啲小食。

最受歡迎嘅係最後煎嘅幾個南瓜餅，人手一個食得幾開心~~~

丞成日欺負妹妹~~~

同幾個小朋友玩大半日， 無出街買餸，晚餐就屋企庫存有乜煮乜。


開罐頭肉煎香即成，連碟都慳返。

兩個薯仔切絲炒

丞就整個蛋包飯俾佢。

開飯~~~

三餸

整佐碟薯仔燜牛肉。

炒多碟菜

婆婆過嚟探孫孫，叫佢食埋飯先返，樓下買多半邊走地雞，蒸。

開飯~~~

雞比又無意外地，俾佐小朋友~~~

兩餸

在信信屋買佐盒蒜香牛油，除佐鹹佐少少，味道真係唔錯，愛嚟擦麵包或者煮意粉，都非常美味。

最方便係早上，焗脆啲麵包再擦薄薄一層蒜香牛油，正。

夜晚炒碟菜

整多碟涼瓜炒蛋

滾多碗牛丸湯，最正牛丸點沙茶醬。

開飯

兩餸

細個時好鐘意食勝瓜，不過亞媽似乎麻麻佢，所以好少煮，依家大個自己做主自己煮。

勝瓜細條兩條木耳煮，好清甜。

蒸個梅菜肉餅，兩仔爺至愛。

滾多個菜湯搞掂

開得飯

基本上小朋友一歲打後就開始俾佢食乳酪，以前多數買BB乳酪俾佢，兩歲後就開始俾佢食自己整嘅，甜度可以自己控制，感覺好啲。

乳酪做法可參考以前寫過：乳酪的做法

小朋友對乳酪基本上無乜控制能力，俾幾多佢都可以同你清完，所以每次控制一杯嘅份量就OK

腐竹排骨

係樹記買佐好多腐竹返嚟。

超愛食枝竹嘅，點煮都鐘意。

買佐盒排骨。愛嚟配枝竹。

水浸發好枝竹，撈少少生粉。

用油煎一煎。

準備料頭：薑，蔥頭，蒜頭。

用油爆香料頭，加入一大匙柱候醬，一磚腐乳 ，少少糖。

加入排骨翻炒至轉色，加水燜煮至排骨酥軟。

起鍋前加入煎好嘅枝竹煲多兩個字即成。

一如所料，枝竹先係主角。

金銀蒜煙肉炒莧菜。

開飯~~

辣椒

朋友俾佐少少辣椒粉.

愛嚟整佐一碗辣椒油.

香噴噴,新鮮自製無添加無防腐劑.

為佐碗辣椒油,早餐煮餃子食.

小朋友似乎胃口麻麻.

食佐一隻餃子.

就好認真咁同我講"飽飽喇"

晚餐,煲佐啖好耐無煲過嘅青紅蘿蔔粟米湯.

可能係覺得佢似例湯,所以好少係屋企煲.

不過耐唔耐飲下,幾好味.

小朋友就用湯撈通粉.

佢飲佐好多好多湯,又食佐好多骨頭肉.

大人就煮佐碟涼瓜食.

再用自制辣椒油炒薯仔.

開飯