再玩

接上篇，由文化博物館行返沙田站座火車返屋企，係新城市廣場嘅平台果個公園仔順便玩返轉先返屋企。

閒日嘅緣故，唔係太多人，小朋友玩得好開心。

底張相，亮點唔係丞，而係後邊嘅小朋友~~~

幾搶鏡~~~

再入鏡

依條長滑梯，丞玩完一次又一次~~~

有船仔座~~

渣車車車~~~

夠鐘返屋企喇小朋友~~~

真係要返屋企喇~~~

玩

約佐朋友仔一早去佐沙田文化博物館玩，地下果層有好多適合小朋友嘅玩意，得閒行下，幾好架~~~

兩餸

豆角大量上市，買佐紮麵醬炒。

買佐盒豬手，冬菇蠔豉南乳煮，燜淋佐所有食物，最後落枝竹再燜多幾個字。

煮成碟餸嘅最終目的，都係為佐啖枝竹~~~

晚飯後諗起第二朝無早餐。

咁就搓麵粉，整個南瓜大饅頭~~~


好快手，搓好連切都唔洗，一個搞掂。

有幾大，大個小朋友個頭~~~

嘩，媽媽，真係好大~~~

總好鬆軟添~~~愛嚟擦果占就最正~~~

兩餸

之前假期某日，早上係屋企炒佐啲腸粉，食過早餐就出去附近哂太陽。

有陽光，有小動物，小朋友跑來跑去，已經好開心。

晚上返歸，乜都落啲煮一碟。

好鐘意食枝竹。幾多都食得。

煮佐一大煲咖喱腩。

自制的咖喱膽，味道夠濃郁。

開飯~~~

湯王當然先飲湯~~~

兩餸

今日強哥地盤臨時有事要趕過去睇，得返我同丞哥，係出邊食完晏去公園玩佐陣，夜晚都費事再出去食飯，丞哥陪我買完餸，就返歸。

求其炒兩個餸就搞掂。

欖菜炒四季豆

蝦醬蒸肉片

一舊仔肉剁碎碎，用豉油糖生粉少少胡椒粉，醃好味攪起膠。

煎一塊蛋皮，將肉擦勻蛋度，再卷起。

上鑊蒸三個字。

切件即成丞哥仔嘅私家餸。

蛋包住肉蒸幾時都咁好味。

細個時我至愛食依味餸，依家到亞仔都好鐘意。

小朋友食得幾滿足~~~