小菲菲俠自煮樂

30 12月, 2014

晚餐


今日買佐個芥膽,同臘肉臘腸炒埋一大碟。回甘果下好好味。


尋日買半斤荷豆,食凈少少,雜埋雲耳蛋同少少餐肉,炒埋又一大碟,雪櫃無餘糧,感覺真係好。

儘量日日買新鮮蔬果。



蒸碟仔牛肉餅俾小朋友。



幫手開飯,擺齊碗筷。



未座抵,先挾餸?人未齊架細佬~~~




樓下有一舊大石,次次行過都要爬上去座幾秒。



小朋友的心思好奇妙,無得解。


29 12月, 2014

亂煮


尋晚邊爐後有凈的材料,今晚加埋一齊用麻辣調味煮成一碟。

效果又意外咁好。



荷豆炒臘味

細個時婆婆講過,荷豆十八翻,意思即係炒荷豆只需要猛火翻炒十八下就可以調味起鑊。

今晚炒嘅臘味荷豆,又爽又甜。

無乜餸合適小朋友,打兩個蛋加啲肉碎炒埋一碟仔俾小朋友。



大合照。



前兩日沙田個嘉年華會,帶小朋友去行下玩下。

佢好細個已經有意識等佢自己排隊參予活動,希望小朋友知道好多時規矩依件事,好多時候係予人方便,自己方便嘅一件事。


自己排隊換到嘅波波,特別靚~~~




自己排隊換到嘅綿花糖,特別甜~~~~

等佢知道耐心等待之後會收穫返好開心嘅結果~~~






28 12月, 2014

25 12月, 2014

兩餸

屋企好多韓國調味料,要清一清佢。

整個韓國拌飯喇。

配料悉隨尊便。

我用佐一個煎蛋,少少魚腐大豆芽,泡菜,炒好嘅肉碎,拌飯醬,麻油,係咁多。



撈一撈,食得。

好開胃~~~


信丞出世至今,兩年喇,兩年我未試過有一日可以訓超過八點鐘咖,好慘啊。

依個小朋友日日早睡早起,好事嘅。

我太過托大,只係幫亞仔報佐四間幼稚園嘅K1,龍年效應,原來間間都超多人報名。亞仔又係細B,連說話都未識講,面試時唯有靠個笑容去打救,諗住如果無學校收,就遲多一年先讀書,又估唔到見得成兩間,總要係上午班,個心都定啲。出年九月要返學喇,到時我都可以輕鬆少少瓜~~~

平時都係下午等小朋友瞓佐晏覺,我就做家務搞清潔,啲餸菜先洗好切好,可以預先整定嘅就先整好一部份,咁小朋友瞓醒,我就可以陪佢玩,等晚上爸爸收工返嚟我先入廚房煮餸,煮其實好快。




節瓜豆卜煮肉碎



                                    蕃茄煮魚

兩味餸都係小朋友可以食得嘅。本身我屋企一向都唔會食得太鹹,依家要配合小朋友飲食,都儘量清淡啲。就算濃味,都係靠食物本身的配搭去完成,咁樣等小朋友唔會食得太重口味。

如果當日嘅餸菜太濃味,都會另外煮一味清淡啲嘅俾小朋友,我儘量係佢五歲之前,都食得清淡簡單啲。


豉油雞

白烚油麥菜,煮腐乳醬伴食。



煮隻豉油雞,雞潤俾細細一舊亞仔食,超愛食潤。

間唔中食下潤,補下鐵質,對小朋友幾好,適量其實係OK架。



成隻雞批上。

不過白飯怪都係要先扒幾啖飯落肚先舒服嘅。

偷食~~~



一副不耐煩的模樣,明顯係嫌爹地手腳太慢~~~~







聖誕快樂

聖誕人人有禮人人開開心心~~~

爸爸有戰艦,仔仔有磅稱,媽媽亦有新玩具,皆大歡喜~~







16 12月, 2014

一紙之約

婚姻不過一紙之約,並非人生之中最大的改變。

對於人生至大的考驗與改變發生在有了下一代之後。

隔壁小倆口上月添丁,初生小兒的種種折磨尚且記憶猶新,不過月餘之間,小倆口已爆發數次口角衝突,其實很是理解,壓力與體力透支使然。

當然的,初生小兒無分日夜的生活節奏對於成人無疑是一種日以繼夜的挑戰,不斷衍生毫不間斷的家務活全天24小時重複又重複,對於只有小倆口獨自面對的小家庭而言,夫妻間對於生活突如其來的精神與體力的壓力都是生命當中最大的考驗,在可以想像的很長一段時間,這樣的生活看來都必需繼續,才更叫人因壓力之名感覺沮喪。

婚後育有子女的夫妻間最容易因為育兒問題產生口角,生活的重心也完全性地轉移至兒女身上,夫妻之間的交流除卻子女的種種,其它的一切都變得可有可無,時間的空隙更是被潮水般的家務俗事填充得天衣無縫,不是他洗,便是她忙,日積月累下來的夫妻關係,與其說是屋內的夫妻,更不如說像是同屋而居的一對男女,且美其名曰,一切為了子與女。

且不說什麼才是對子女最好的家庭存在,對於夫妻關係而言,會一路陪伴自己走到最終的,不是身邊的另一半,難道還巴巴地指望子女會在指縫間擠出若干時間?怕是各有各難處,真是長期伴在左右的子女,怕是擔心更勝開心吧。因此在我看來,維持與經營好自己的夫妻關係,才能令到家庭氛圍輕鬆與愉快,才能叫生活在其中的家庭成員,真正感受到安全與溫暖,如此的生活環境,怕才是做為父母所能給予子女,最好的一份禮物吧。