小菲菲俠自煮樂

13 9月, 2014

豬肉煲


其實小朋友攝取適量的動物性脂肪,係對於腦部嘅發育有好正面嘅幫助,所以我都唔會介意俾少少帶肥膏嘅肉小朋友進食。

買佐一條五花腩,整定一煲仔豬肉煲,得閒預先整定,咁每餐飯只需要配搭少少菜蔬,加埋豬肉,就可以輕鬆整餐飯餸出嚟,猶其適合在職媽媽,方便又輕鬆地解決小朋友的飯餐需要。

煮法唔難:

1、五花腩切幼條狀,拍一細舊薑,兩粒蒜剁碎,落鑊炒至豬肉轉色(唔一定需要炒熟,轉佐色封佐個肉汁就可以),無需落油,豬肉煸炒後會自己走好多油出嚟,可以倒走太多 嘅豬油。

2、因為唔想小朋友食太多醃制食物,譬如豉油,多數時候可免則免,但整豬肉煲無啲色水又唔靚,所以就自己炒糖色。好易咖,水同糖大約1:1嘅比例,煮至起泡出香味,全程細細火煮,煮過火會有苦味。如果覺得有難度,可以省略依個部步驟,直接用豉油同糖較味即可。

3、將步驟1嘅肉,倒入炒好糖色中,俾少少鹽較味,落少少水略煮。

4、將肉轉入壓力煲,燜至淋軟即成。

擺入雪櫃,可以慢慢食兩三日,幾方便~~~


今日午餐,切一個薯仔,俾一匙豬肉,加水煮熟即可。

什麼調味料都完全不需要,因為豬肉本身已有足夠的味道.



通常我會加水煮三個字,熄火後後焗多三個字,就完全淋軟


切兩塊麵包,開得飯~~~

幾咁方便又簡單,總要美味又營養,唔錯架~~~



香噴噴嘅豬肉當然地吸引住小小肉魔,第一選擇就係肉,肉,肉~~~



媽媽,肉肉真係超好味~~~~

一臉笑容地話俾媽媽知~~~



依家佢有佢食,我有我上網,互不干擾,幾好~~~

食飯一事,佢最專心~~~





食飽飽飯,幫媽媽手收衫.

我唔會阻止小朋友做任何事情,只要我在場的情況下.就算係廚房,小朋友都經常會在我身邊睇住我煮餸,我會話俾佢知刀具廚具嘅作用同危險,俾佢小心嘗試熱熱嘅感覺,在我睇得到嘅情況下讓佢明白世界嘅動作,較為安全.

力所能及嘅家務我都會俾佢加入參予,依份為大人所接受的認同感,可以俾到小朋友好大嘅自信.

小朋友幫手拆衣架,教曉佐佢將衣架,衫同褲分別擺放,咁樣半玩半參予嘅過程,無意中已經將一種系統與分類法嘅概念種植俾小朋友,無需要太刻意去逼小朋友認識依個世界,係生活中得到嘅經驗,遲早會轉化為學習上嘅一種方法.


01 9月, 2014

蛋包飯

基本上一日一蛋俾小朋友。

依日中午,普通嘅拌飯用蛋皮包起,整個蛋包飯,新穎嘅外形刺激下小朋友嘅視覺。

一拎出嚟,粒聲唔出,輕輕將碟擺底啲俾小朋友望一眼,然後轉身行開,擺係餐台。

小朋友一見到已經「嘩~~」一聲~~~

追住過嚟~~



其實真係好普通嘅飯,撈佐芝士同菜。


香香嘅蛋皮最吸引~~~

飯都要食埋架小朋友~~