小菲菲俠自煮樂

30 7月, 2010

生活小提示

薯仔一生芽就唔好再食用,如果唔係,好易中毒。


因為薯仔嘅芽仔,會產生一種叫「茄鹼」嘅毒素,見到薯仔皮變綠,都係有佐毒素,就一定唔好再食用,如果唔係,後果可以好嚴重。


平時買返嚟嘅薯仔,如果一次食唔哂,可以點解保存?


我通常會在一個無陽光直哂到嘅室溫下擺放,同埋最好係薯仔側邊,擺埋蘋果。


依個係細個時阿爸話俾我知嘅,佢話蘋果會揮發一種氣味,而依種氣味,可以非常有效地抑制薯仔生芽嘅速度,所以,薯仔側邊,擺埋經常都會買嚟食嘅蘋果,一舉多得,幾好啊。。。。


咁樣,一次食唔哂嘅薯仔,可以擺得好耐都唔會生芽啦。。。


(無所謂咩蘋果,邊隻蘋果都得~~~)



廚房用品類當中,一定會擺埋一支牙膏。


牙膏本身有清潔嘅成份在內,而且可以食用,好多時我都會用牙膏去清潔一啲食物類嘅嘢。


而且牙膏清洗不銹鋼類嘅產品,可以好乾淨,我最鐘意用牙膏洗帶茶漬的杯,可以洗得好乾淨。



好似蘋果,有醫生話帶皮食最好,我自己麻麻鐘意食蘋果皮,所以好少會食皮,直接削走,不過如果有人鐘意食蘋果皮,最好洗乾淨啲,因為依家嘅蘋果,點知有無農殘存啊。



清洗蘋果表皮,只需要擦少少牙膏上去,然後用廚房紙輕輕一抹,蘋果表面嘅白色物質,就好容易抹得乾乾淨淨,再過一過清水,可以直接連皮食用啦。。。


除佐蘋果,提子大家都會發現會有好多白色霜狀物體係度,其實係果農為佐可以延長提子嘅保鮮期效而噴嘅一種化學物劑,食佐肯定係對身體無益嘅,咁提子可以點清洗咧?


好簡單,將提子裝入一個保鮮袋,然後擠少少牙膏入去,倒啲清水入去,然後上下大力搖,用牙膏水去衝洗提子表面嘅白色物質,最後再過一過清水,可以發現提子表面就乾乾淨淨啦~~~


 



 


總有一個,應該好多人都知道嘅方法,為免有人唔知,我都提一提。


就係走佐風嘅「餅乾、曲奇」依類食品,只需要擺入冰格,雪一個鐘左右,利用雪櫃去吸收餅入邊嘅水氣,咁啲餅乾,就會即刻又變返脆卜卜啦。。。


不過如果係變佐質有油膩味嘅餅乾,就無需再咁做啦,直接掉佐佢啦。。。。



 


29 7月, 2010

瓜菜一餐---涼瓜炒蛋、芥蘭炒肉碎

熱天都係食清淡啲好~~~


買佐斤芥蘭,唔係成條灼熟,而係炒。


由細阿媽就教過我,芥蘭一定唔好用蒜蓉炒,芥蘭加埋蒜蓉會好臭,炒芥蘭一定要配薑,少少酒,鹽,少少糖,咁樣炒出嚟嘅芥蘭就一定會好好味。



我總落埋少少肉碎,炒芥蘭,比白灼,多佐好多滋味,同埋爽口好多㗎。。。。


要先炒腍芥蘭骨,最後先炒葉,所以我切好嘅芥蘭會分開擺~~


記得啦,炒芥蘭,最佳拍檔就係「白酒、糖、鹽、薑絲」



 


涼瓜炒蛋。


強哥最鐘意食我阿媽嘅涼瓜炒蛋,佢話特別好味。


阿媽就專程嚟我度教過我煮法。


真係有少少要訣要記得㗎。


首先,涼瓜凈要表皮薄薄一層,要斜片切出嚟,入邊嘅白色厚皮一定唔要。


炒法:


1、先落少少油,爆香涼瓜片,盛起備用。


2、蛋打散,落鹽,然後將涼瓜倒入蛋液,油多少少,燒紅個鑊,將蛋同涼瓜倒入,由得火去煎到蛋略略焦黃,先翻面,再煎香另一面,咁蛋嘅香味先會出嚟。


煎成一餅餅,咁又可以食到蛋嘅焦香,又有涼瓜完全唔苦,凈係有少少香香甘甘嘅味道,會係好甘香嘅一味餸。



我失敗佐,因為屋企凈返兩隻蛋,通常要三隻蛋就最好,蛋液唔夠,炒出嚟唔夠香,而且油我唔敢落太多,炒得蛋無咁香。。。。


個涼瓜我炒嘅時候火太細,炒得太耐,變黃,唔靚。


如果阿媽炒嘅依味餸,色香味有100分,我最多得40分。


有待進步~~~



兩味餸,清清哋,幾好㗎~~~



 


 


住家餸---咸蛋蒸肉餅、灼芥蘭

天熱都係整無乜油煙嘅餸算罷啦。


整飯,順便蒸肉餅,簡單~~~


自己整嘅咸蛋又成熟一批,愛嚟整咸蛋肉餅最一流~~



咸蛋蒸肉餅,無人可抗拒的美味~~~



灼一個芥蘭,蠔油俾味~~~


一飯一肉一個菜,一個晚餐~~~



睇返張相,口水都要流啊。。。


咸蛋肉餅~~



 


住家餸,永遠係簡單中,有濃濃家嘅味道~~~


27 7月, 2010

炒南瓜仔

因為夜晚約佐強哥外出撐檯腳,所以晏晝依餐就求其消滅佐屋企嘅存貨。


一隻南瓜仔。


成熟嘅南瓜大家都知道,係黃色長形嘅。


咁BB南瓜仔,食嘅人可能好少。


香港亦都好難撞得到有賣,早幾日好難得係街市見到有一檔菜檔有得賣喎,即刻買佐個返嚟,都好多好多好多年未食過啦。。。


係未一啲都唔似南瓜?



切開出嚟睇下,同翠肉瓜極相似,我剛剛學識煮飯嘅時候,初初買到翠肉瓜,就一路以為就係細個時成日食到阿媽煮嘅南瓜仔,後嚟阿媽先話俾我聽,根本係兩樣嘢嚟㗎,後嚟阿媽專登帶我去街市搵到真正嘅南瓜仔,指俾我睇係果一樣嘢,先知道原來自己搞錯佐咁耐。。。。


依次係真嘅南瓜仔嚟㗎。。。。


雖然切好後嘅樣真係好似翠肉瓜,不過味道係完全唔同㗎。。。



 


用蒜蓉同肉碎炒埋個南瓜仔,好清甜啊。。。。有淡淡南瓜嘅味道,但口感又係少少脆嘅感覺,好鐘意~~


一個南瓜仔炒埋大大一碟,再蒸多碟飯,晏晝食清清啲~~~


老公一返到屋企,即刻開得飯~~~


食返舊時嘅味道,好開心~~~



26 7月, 2010

晏晝食炒河

早上買餸順便買佐斤河粉,愛嚟晏晝炒河食。


通常都會買湯河,比較薄身啲,炒嚟好縮味。


配炒粉嘅材料好隨意,屋企有乜就落乜。


我剛好有韭菜、蟹柳、腸仔、蛋。



先將材料炒好另外裝起。



河粉用印尼甜豉油俾味,湯河嘅河粉通常都會比較薄身,食起上嚟好味好多㗎。。


因為河粉本身好多油,所以炒嘅時候,無需再額外俾油啦。。。



同強哥一人一大碟,晏晝食炒河,舒服~~~


配埋唔辣嘅辣醬,正~~~


衝埋一杯香濃嘅咖啡,咖啡送炒飯炒粉炒麵最一流㗎啦。。。



依隻辣椒醬,酸咪咪,少甜味,少辣,配炒粉面依類食,好好味㗎。。。


通常印尼或者泰國舖頭都可以買得到。



 


 


24 7月, 2010

一餸一湯一冬瓜(食譜)

夏季真係食冬瓜嘅季節。


冬瓜又平又靚。


依日買佐一件大大件冬瓜,都只不過三蚊雞。


提早一晚,浸佐兩粒瑤柱,一個冬瓜,先嚟整個冬瓜湯。



落一盒雞湯,落埋瑤柱同浸瑤柱嘅水,放埋大件冬瓜落去,係咁煮半個鐘。


因為個冬瓜好大件,要煮成半個鐘夠熟夠腍。



煮好之前,落少少豬肉,等啖湯再鮮甜啲,睇下,啖湯幾濃啊。。。


完全唔洗落鹽,已經夠哂味~~~



其實,主要係食舊冬瓜,只不過唔想就咁蒸,嘥佐啲水,所以就當滾湯咁,滾熟個冬瓜,又有啖湯飲。


所以滾好湯嘅冬瓜,撈起擺入碟備用。


另外起鑊,炒個味餸。


1、爆香蒜蓉


2、倒入剁碎嘅梅菜炒至出味,我連滾佐湯嘅瑤柱都加埋落去炒,香好多。


3、倒入免治豬肉,炒熟


4、倒入梅菜同豬肉,用蠔油俾埋,炒出香味。


其實就咁樣,已經係好惹味嘅一個餸嚟,不過冬瓜無乜味,所以依味餸,倒入冬瓜度,配住清甜嘅冬瓜同食。。。。



 


縮佐雞湯同瑤柱香味嘅冬瓜,本身已經夠清甜好味,再加埋炒得香噴噴嘅梅菜瘦肉,更是一流~~~



蒸多個飯,有湯有餸有蒸飯,幾滿足~~~



一啖清甜嘅冬瓜,配上惹味之極嘅梅菜,依味餸,消暑又惹味~~~


試下~~~



 


 


23 7月, 2010

餐肉燜薯仔

薯仔燜餐肉。。。。


依味餸係奶奶發明嘅,強哥自細食到大,鬼咁鐘意。


奶奶嘅餸,耐唔耐我都要煮返啲俾強哥食下。


依日買佐一個超大薯仔,一個都斤幾重啊。。。。


真誇張。。。。


一餐一個薯仔,大把食啦。。。



依餐食完無幾耐,電視新聞就出嚟話依個牌子嘅餐肉有水銀添,死啦,唔知有無事添。。。。不過都過佐咁多日,應該都無乜事嘅。。。。


不過新聞效應,近排真係唔敢再食餐肉啦。。。。


做法都講下啦。


餐肉切粗條、薯仔切粗條、蒜蓉少少,蔥少少。



做法:


1,先將餐肉煎出香味。



2、然後爆香蒜蓉。



3、倒入薯仔慢火


4、倒入餐肉同炒



5、加水燜,落鹽同生抽俾味,最後起鑊之前,落一大扎蔥。



搞掂~~~


強哥鐘意食燜到極腍嘅薯仔,所以我會下午提早煮好依味餸,夜晚食之前加少少水再返燜一次,咁就好腍好腍啦。


好好送飯嘅一味餸~~~



 


 


 


22 7月, 2010

三號風球下的小聚

尋晚強哥幾兄弟全部嚟齊屋企,有事商量,咁我就求其整幾味餸,等大家係屋企舒舒服服食飽飽再慢慢商量。


加埋四弟老婆,一共六個人食飯。


我唔係整好多餸,不過每碟都大大碟,一定夠食。。。。


人齊開飯,我捧啲餸出嚟,個個開佐一日工,都肚仔餓啦,聞到香味,個個叫肚餓,我整啲餸全部係惹味嘅餸。。。。


炒佐一個馬拉盞炒椰菜,惹味又清甜。



菜脯炒蛋,令到幾個大男人係咁扒飯~~



鎮江骨,得到大家一致好評。


 



睇大家心急想開飯,我就快快影幾張,心急影相,影得一塌糊塗,嚟個全家福啦。。。


個個都食得好滿足~~~~



~~~~~~~~~~~~~~~~~~~~~~~~~~~~~~~~~~~~~


早幾日食飽飯去散步,順便又影佐啲相。


一入夜,街頭多佐好多人擺檔仔。


依區生活指數較低嘅人較多,睇到啲貨,應該都係二手貨,不過供同銷,都一樣咁有市場。



好多都係上佐年紀嘅人擺檔。



阿婆擺檔。



阿婆~~



阿婆嚟遲佐,要搵返個靚位。。。。



十幾蚊個飯盒,選擇都好多。。。。



開工鞋,百幾蚊有交易。。。。



好平嘅表~~~



人都要消失係表之中~~~



認真幫客整表,幾十蚊隻表,一樣認真對待~~



光管。。。。燈飾~~~



二手電鑽~~



批量生產的古董~~~



依度,就係最出名嘅鴨記~~~