熱氣到爆炸---自製蝦多士、炸油餅仔

睇過阿蘇食蝦多士，搞到老公心思思想去坪洲玩，咁鬼熱嘅天氣，加埋山長水遠，真係咪搞我~~

點知尋日老爺無端端係西貢帶佐佢整好嘅蝦膠返嚟俾我，咦，唔通老爺同佢個仔有心靈感應，知道強哥想食蝦多士？咁奇~~~

都好，我都唔識得整蝦膠，有人整埋溝埋豬肉較好味俾我，當然卻之不恭了，帶佐返嚟，今日早上即刻走去商場買佐磅方包返嚟，整蝦多士。

個蝦膠溝佐豬肉，我覺得味唔係太夠，又再加佐古月粉同麻油攪勻。

然後方包一塊，擦半邊蝦膠係面。

 

過一過蛋液。有D餐廳會再落多一層面包糠，隨個人喜好啦，我屋企無，唔想額外買多包擺住係度無用，就唔落啦。

 

然後擺入低溫油度，慢慢炸至金黃。。。。

 

加奇妙醬伴食。。。。。

OK啦。。。。

不過我覺得太大件啦。。。。

食到有少少流。。。

 

又轉一種方式，一塊方包一開四，細細一塊，然後擦蝦膠係個面度。

 

 

又炸，將有蝦膠果邊面向油，務求先炸熟D蝦膠。。。。

 

炸至金黃色。。。。

 

撈起。。。

有D我就過一過蛋液，有D就唔過蛋液直接咁炸。。。。

 

嘩。。。咁先至係叫好美嘛。。。二三啖一塊，炸到香香脆脆，咬落真係索索聲㗎，我就覺得唔落蛋液直接係咁炸會香脆D，強哥就鐘意有蛋液，食落更香口。。。。

各有所好啦，不過好味係絕對肯定㗎，強哥係廚房一邊炸，我係一邊就忍唔住係咁偷食啦。。。。

炸佐成磅方包咁滯，熱氣到爆燈。。。。

 

不過，香脆酥口嘅多士，彈牙蝦味濃郁嘅蝦膠，配以酸酸香香嘅奇妙醬，邊個忍得到口~~~

 

今日天口太熱，唔想出街，晏畫同老公睇佐好悲情嘅一部電影，心情好低落，咁就走去搓面粉，就係好普通嘅平日整包包咁發酵D面粉。

然後造型方面，就整佐幾隻，係好隨意，無乜概念要整D乜。

咁就好似整口袋包咁，搓成圓形，或者搓成長圓再界幾刀，又或者圓形，中間用水樽蓋壓出一個LOU。

頭先整蝦多士嘅油未收，咁就直接掉入去，炸~

 

原來係咁易炸㗎啵，一掉入去，幾秒鐘之後就自己浮起，咁我就炸到佢變金黃色，先至撈起。

 

整之前無概念要整D乜，整出嚟會係點樣，都完全唔知，不過原來一炸，都好多嚟。。。

 

攤凍之後試食佐一個，哈。。。原來幾好味~~

好香口。。。。

係有少少韌韌地嘅口感，不過真係好過癮，好好味。。。。

無嘢做嘅時候，整D出嚟磨下牙都幾好玩。。。。

最好食反而係個炸圈圈，外皮香口，內里鬆軟。。。。

奶奶駕到---三餸一湯

奶奶有份Form一定要第二日交俾相關部門，咁佢自己又唔識得字，屋企又無人，無奈下即刻俾電話我，想我過去幫佢搞掂。

咁我又買佐餸，就建議奶奶，不如過嚟我度，順便食埋晚飯，我幫佢填好，佢先至返去。一舉兩得啦。

奶奶聽到梗開心㗎，即刻話「阿媽食好少咋，求其有魚有菜得啦」

啊？~·！￥有魚有菜。。。我同強哥都麻麻鐘意食魚，所以邊有準備魚啊，咁即刻又落樓去，買佐條返嚟。

清蒸最簡單。。。。

可能同平日奶奶蒸魚用普通鋼碟唔同，我用佐一個較為精致嘅碟嚟蒸，蒸好一羅出嚟，奶奶一望到，即刻「嘩..蒸得好靚啊,合格合格」

奶奶鐘意食肥叉，經過燒味舖，見到叉燒幾靚，又斬多一條，食唔曬我第二日可以碌面再食，唔怕多。。。

再加埋一個我本來就準備定，預佐晚餐食嘅豆卜蒸排骨。

排骨用李X記果隻蒜蓉豆豉醬，落少少油，落幾湯匙水，再加少少薑蓉醃好味，然後豆卜買佐二蚊雞，一開三，舖底。

 

將醃好嘅排骨擺係豆卜上邊。

然後上鑊蒸十五分鐘。。。。

整咁樣一味蒸餸，真係方便快速又美味㗎。。。。

 

其實最好食係縮佐排骨醬汁嘅豆卜，排骨我反而食好少，豆卜幾乎我全包~~~

 

再滾多一個芥菜肉丸湯，剛好我果日整肉包，凈有D肉餡，就搓成一粒粒肉丸滾湯，飯後又裝佐兩個大大肉包俾奶奶帶返去第二日早餐。

奶奶開心到猛咁話「今日真係有食神」

呵，睇到老人家咁開心，自己都覺得好開心。

基本上奶奶已經習慣我逢餸必影，所以我一邊影相，佢一邊話「係啦，今餐叻叻，煮俾奶奶食，奶奶過嚟，整佐好多餸啊，奶奶好開心」

哈哈哈，佢一邊幫我配音添。。。。

飯後切多碟生果，搞掂~~

 

 

一日兩餐之---腸仔包、豆豉鯪魚涼瓜煲、煙肉炖白菜煲

屋企凈用兩條涼瓜，已經開始變黃，個皮又皺起，要快D解決佢。

依日買佐一罐豆豉鯪魚，整個涼瓜煲。

材料：涼瓜兩條切厚片、豆豉鯪魚一罐、蒜頭薑蒜一碗仔。

做法：落油熱鑊，油一細匙就夠，因為罐頭本身好多油，落油爆香蒜與薑蓉，然後將罐頭入邊嘅豆豉撥出嚟倒入鑊，炒出香味，然後倒入涼瓜，炒至軟身，最後倒入鯪魚，炒勻之後，轉入瓦煲，上火再熱十五分鐘左右。。。

一大煲勁惹味，有菜有肉嘅餸就咁整好啦。。。。

我依隻煲係中等大細，其實真係好大一煲啦，一餐都食唔晒。

 

第二晚，總有少少涼瓜煲，咁就唔使煮咁多餸，買佐斤銀川嘅白菜仔，整一煲上海風味嘅炖白菜煲。

依個炖白菜煲係上海普通人屋企常見嘅住家菜，因為材料好普通，可能上唔到檯面，所以出邊街基本上無餐廳願意整依味餸，不過其實係簡單得嚟，好好味，而且咁樣清爽嘅一味餸，極適合夏天進食。

傳統做法係用瘦肉同白菜，我鐘意惹味D，就轉佐用煙薰味嘅臘肉，再加埋一塊百頁切絲增加風味，然後剁幾粒蒜蓉，材料就咁多。。。

 

白菜葉莖分開切粒粒。

 

作法：熱油落蒜蓉爆香，跟住倒入煙肉炒熟，然後倒入白菜頭炒軟，最後倒入菜葉同百頁絲，落鹽調味。

轉入瓦煲仔，上火炖十分鐘到。。。

如果鐘意腍D，可以炖耐D都得。。。

勁清爽好味一個菜煲，五星推薦整俾屋企嘅小朋友或長者進食。。。

（如果再落多少少薑絲，個味道可能更香D）

---------------------------------------------------------------

因為凈係整一味餸，下畫無乜事，費事落街買蛋糕做第二日早餐，咁就自己係屋企整一個包包。

唔想整饅頭，咁睇到雪櫃總有兩條德國腸，咁就一開四，整腸仔卷。

其實面點真係千變萬化，無做唔到，只有想不到。

發酵完成嘅面團，搓成一條圓條，卷卷卷入腸仔度。

 

又或者搓成長圓形，卷兩卷入腸仔度。。。

 

咁就又好多包包整到出嚟啦。。。。

 

個個發得幾靚~~~

 

幾啖一個，做早餐，一流~~~

唔會流~~

 

 

一日兩餐之---彩虹蛋、雞雜炒菜脯、焗雙蛋

晏畫炒佐兩個小菜。天熱，以清爽簡單為主。

雪櫃凈有少少彩椒，加埋兩隻蛋，少少韭黃，一起炒埋炒埋又夠一碟仔。。。

簡單得黎，好香口，而且色彩繽紛，小朋友應該都好受落。。。。

 

真係東拼西湊的一餐，早一日買佐隻雞整白切雞，（有D檔主幫你殺佐雞，D雞雜都唔會俾你，我就會出聲話要返雞雜）雞潤同雞腎都一起蒸熟佐，不過我唔鐘意食白切嘅雞雜，所以留返到第二日，加埋D菜脯，蝦米，買佐隻有機辣椒仔，比普通長形青椒幼身，不過就好辣，再加埋D彩椒，用蠔油較味，又一碟好惹味嘅餸菜。

好惹味㗎。。。。

晚餐----

一個頗大嘅蕃茄切粒，一條青瓜切片，半條牛腱切片醃好味，少少蒜蓉。

 

 

我係好鐘意咁樣食㗎，熱天食好開胃。。。

凈得一個餸，似乎唔多夠，翻嚟翻去，得幾隻蛋係度，咁就焗個蛋啦。

二隻蛋，三隻咸蛋黃（自己醃嘅咸蛋，好細粒），一碗仔水。

乜調味都唔使，全部撈埋，入焗爐，焗熟。

老公就話好香口，我就覺得好腥，食佐一啖無再食，最後掉佐大半碟，浪費。。。。

都係愛嚟蒸先至好味。。。。

一個晚餐就咁~~

 

 

一日兩餐之---豉油皇魷魚仔、咖咉油多士

依日又整佐一碗仔咖央，有興趣可以睇返之前嘅做法：

印尼咖央做法

 

今次我用佐四隻蛋黃，增加了椰醬的量，減少佐糖的量，哈，做出來的咖咉又滑又香，而且甜度適中，一點都唔流。。。。

做出來的咖咉醬，凈係聞已經口水直瀉。。。

 

如果話西點的面包蛋糕花樣繁多，其實我覺得中點的包子饅頭或是發糕，同樣可以變化多端，相較之下我更認為，中點的味道與變化更合我心意。

凈係包包，包包的種類隨便數就有“叉燒包，雞包仔，豆沙包，奶皇包，麻蓉包，素菜包”形式上更有“臘腸卷，花卷，千層糕”等等。。。

而饅頭的食法更是眼花繚亂，切開佐夾叉燒夾芝士夾肉醬，抹花生醬抹練奶抹果醬，口感較之面包方包，除卻松軟之外，再多一層面蒸制面點獨有的清淡面筋味。

依日蒸佐一籠大饅頭。。。。

配咖央食。。。

 

趁熱辣辣，切開一半饅頭，擦上滿滿一大匙香噴噴的咖咉醬，夾上咬一啖。。。

唔。。。。

滿足地久久說不出話。。。。

 

濃濃的椰香味配著淡淡軟軟地饅頭，一絕。。。。

食佐幾日饅頭做早餐，個醬都總有，咁就買佐磅方包，可惜厚切果隻買曬，用普通方包嚟整咖央油多。

烘到多士個表面香脆，趁熱擦牛油。

 

最後擦一層咖央，自己制嘅咖央，唔會太甜，勁香，全蛋，唔怕有添加劑，安全，香口。。。。

衝多杯印尼咖啡配咖央多~~~

享受`~~

 

---------------------------------------------------------------

晚上，買佐兩條略細的茄子，加肉碎，香煎~~~

香煎茄子，點整都好味。。。。

 

煎茄子，媽媽教我的小方法，先用一點點油，爆香蒜頭，然後倒入茄片，細火幹煎，加少少水略燜至軟，待茄子熟之後，再倒一湯匙油，將茄子煎香，因為茄子已經熟佐，就無咁容易縮油，最後加油的目的，係俾油煎出茄子的香味。。。

如此制法，得嘗茄香，而不覺油膩`~~

 

另外，係奶奶度帶佐D魷魚仔返黎。

依段時間唔知係未連住打佐兩個風的緣故，照慣例，應該係下個月先至開始會係漁排出現大量的魷魚仔，但係上個星期的一個晚上，老爺打來電話，好開心咁同我講，晚上沒事係漁排度吊墨魚仔玩，點知甚至唔使用餌，就好輕易吊到魷魚上來，就幾個鐘時間，吊佐三百幾隻魷魚仔上嚟，勁開心~~~

 

一點都唔誇張，比姜太公還舒服，就咁放一條魚絲，一扯，就一隻魷魚仔。。。。

一個晚上的收獲，係三百幾隻的魷魚仔。。。。。

凈係聽，已經吸引到我心蠢蠢欲動。。。。

 

點都要叫強哥陪我上漁排吊一次墨魚仔先得啦。。。

可惜屋企無人鐘意漁排生意，過多幾年老爺年紀大，賣佐個排俾人，到時再想上漁排玩，就唔係自家嘅漁排咁玩得咁開心羅。。。。

 

新鮮撈上來的小魷魚，一撈上來馬上清理幹凈，即刻扔進煲滾的水裏白灼，就簡單地沾點醬油，味道，已是鮮美地能連舌頭都咬進肚子。。。

 老爺就羅佐D魷魚仔落嚟俾我地帶返屋企整嚟食。

依日就用新鮮魷魚仔，整佐一個香爆豉油皇魷魚仔。。。

 

奶奶已經先幫我清理幹凈魷魚了，我只需要先用水略略灼一灼魷魚。

然後準備一碟仔的配料“姜絲，蔥段，蒜片”

另外醬料就用佐“生抽二湯匙，老抽一小匙，味醂一湯匙，白蘭地一小湯匙”較佐一個醬汁。

炒法勁簡單，先用油爆香姜蔥蒜，然後倒入魷魚爆一爆香，最後倒入醬汁炒出香味，即可撈起食用~~

做法就係咁簡單，只要材料夠美味，其實點炒，都好好味。。。。。

 

鮮美濃味嘅豉油皇爆魷魚，愛嚟送飯，真係一流。。。。